Tanah Villa Dekat Warso Farm Durian (1)

courtesy bogor.olx.co.id

Putri dapat kiriman artikel dari blog tetangga, namanya Bang Naip, di http://naive7.wordpress.com, seri ke 1 dari 2 tulisan:

Pade satu hari, bang naip ditawarin tanah kaplingan di daerah Cijeruk Bogor ame temennye sesama supir silver bird.
Pada mulanye sih bang naip ogah2an. Satu ketika bang naip nganter customernye pake silver birdnye, kite sebut ajah inisialnya SHA. Bang SHA entu kebetulan, cerite punya cerite, lagi nyari kavling juga di daerah yang bisa dibikin kebon buah2an ato empang kolam ikan ato bahkan buat bikin villa.
Artinye ada syarat2 entu tempat, misalnye di daerah nyang sejuk, kagak rame banget, ada view ke gunung, bukan didaerah nyang udeh ‘crowded’ kayak di Puncak entu.

courtesy presidenri.go.id

Kembali lagi ke kavling nyang ditawarin temen bang naip di daerah Cijeruk, ternyate deket ame Warso Farm. Entu tuh nyang punya kebon duren dengan luas lahannye 7 Ha, namanye H. Soewarso Pawaka. Doi pensiunan TNI Angkatan Darat nyang hobi berkebon, nyang lebih khusus lagi kebon duren.
Kebon duren Warso seluas entu di sekitar Desa Cihideung, Kecamatan Cijeruk, Kab. Bogor.
Sekarang udeh jadi tempat agrowisata nyang

courtesy tatadita.blogspot.com

asyik didatengin. Dari sisi jalan desa Cihideung, gampang ngenalin kebon duren ini, entu karena di pintu gerbangnye dipajang replika duren gede banget. Di Warso kita bisa nyobain makan duren dari kebonnye, nyobain es duren, makan siang ame menu ikan2 dari empang kolam disono. Kayak ikan mujaer, ikan nila, ikan mas, bisa dimakan gorengan ato dibakar. Rasenye sedep meresep mantep. Ditambah cuaca sejuk gitu en suara gemericik air gunung salak disekitar kolam ikannye. Wuuiiih…emak nyusss dah!
Kembali ke kavling nyang ditawarin temen bang naip, akhirul kalam bang SHA sama temen2 kantornya dari Kaltim hampir deal ngebeli entu kavling. Alamat kavling ini di Desa Cihideung Kel. Cipelang Kec. Cijeruk – Bogor. Lahannye dipinggir jalan Cipelang Cijeruk, kalo dari Batu Tulis posisinye di sebelah kanan jalan, seudehnye Warso Farm, kire2 1 kiloan dari duren Warso.
Bentuk entu lahan

courtesy liburan.info

mirip pulau Kalimantan, di google juga bisa di search. Udeh gitu, levelling tanahnye ber-kontur kayak sawah terrasering tangga di Bali. Nyang paling asoy, ke arah Barat Daya dari lahan entu, kite bisa view Gunung Salak en puncaknye nyang selalu berkabut. Indah banget dah!
Ke 10 orang grup Bang SHA entu membentuk konsorsium jadi dapet kavling2. Nah, ternyate rencananye pade macem2, antara lain kepengen buat kolam renang, mau buat villa model bungalow. Ada nyang maunye cuman bikin kolam empang ikan. Ada yang depannye buat ruko, belakangnye buat joglo pendopo. Macem2.
Hikmah buat Bang Naip, karena jasa2 nye, bang naip dapat hibah tanah kavling disono. Bukan maen senengnye Bang Naip. Terima kasih abang2 semue yee.

BERSAMBUNG…. :~)